丁子朗睇冼靖峰全相　献计再睹雄风

艺人丁子朗与冼靖峰由对手变老友，原来更有救命之恩！丁子朗又大爆看过对方全相，希望可以合拍综艺节目展现兄弟情，扬言要在节目中带冼靖峰浸温泉，好让观众一睹其雄风！

丁子朗（丁丁）与声梦歌手冼靖峰（Archie）原本风马牛不相及，但因选秀节目《亚洲超星团》而结缘，比赛第二，友谊第一，虽然节目早已完结，但兄弟情就愈见深厚。他们参赛期间在内地合宿，共度种种难关。讲到难忘事，Archie指丁丁曾救他一命：“当日我喺房病得好重，冲完凉出嚟，直接晕咗喺张床。我本身约咗佢，佢搵唔到我就敲房门，我先醒番，否则后果不堪设想，所以系佢间接救咗我。”

丁丁认为友情升温全因完赛后在当地逗留了两周四处游玩，24小时形影不离，对彼此有更深的了解，Archie补充说：“当时佢问带我去饮酒好唔好，识我嘅朋友都知我唔饮酒，我只会喺最信任同最开心嘅时刻饮，当时我谂咗一下，我话去，证明佢喺我心中系好重要嘅人。”两人朝夕共处，问到是否见过对方的真面目？丁丁即大爆睇过Archie全相：“比赛嘅时候，有日我喺佢间房同佢室友吹水，佢冲紧凉，佢个室友突然打开冲凉房嘅门叫我入去。”Archie直言当下愕然O嘴。

期待拍剧争女

二人老友鬼鬼，当然希望能在工作上合作，丁丁坦言最近有新目标：“想做个两兄弟嘅综艺节目，畀大家见到我哋私下点相处，拍旅游节目可能有难度，如果有赞助就相当好。”续指最想带Archie浸温泉，Archie即时看穿他：“佢想我除衫！”丁丁不讳言：“要系《森美旅行团》式浸温泉，打格仔嗰种，我相信观众都好想睇，佢最近秘密练兵成日健身，希望大家一睹佢嘅雄风！”Archie则表示想一起饮酒拍节目，相信会甚有火花。至于剧集方面，丁丁建议拍摄都市爱情剧，一齐争女主角，问到属意由谁演女主角？Archie笑说：“咁要搵个大家都锺意嘅，阿姐（汪明荃）啰！”