顏仟汶狂拍戲密密撈　新年前拍鬼片百無禁忌

藝人顏仟汶近日工作忙碌，同時開拍電影《你嫁咗俾隻鬼？》和佘詩曼主演的劇集《正義女神Themis》認真忙碌，她日前出席《祥賭必贏》慰勞宴，表示今時今日的電影市道仲有工開，已好感恩。提到她在《你嫁咗俾隻鬼？》中演盲眼的泰國神婆，造型上好大挑戰，要佩戴特製的隱形眼鏡，她說：「睇嘢好似隔住一層豬油膜，矇矇哋，但覺得幾靚。」預計拍到過年前，臨近新年拍鬼片，自言百無禁忌。提到《正義女神》做十幾歲女的媽媽，在《祥賭必贏》又做蔡卓妍年輕版媽媽，顏仟汶說：「做媽唔介意，最緊要角色有發揮，做婆婆都得。（性感？）性感留畀後生女啦！唔好嚇人，仲可以？可以嘅！睇角色需要啦！」透露疫情期間有3年時間搬上內地虎門居住，今年4月才返港，照顧年屆80的父親。