青葱岁月　零舍多遐想

讲起“Green”，唔少男士都会第一时间谂起绿帽，但查实呢个字都可以解作青葱，好啱用嚟形容少不更事又对于性充满好奇心嘅年轻男女！今日就同大家分享吓情色世界入面关于“Green”嘅有趣话题。

Green Goods 处子专用

我哋会称处男做“青头仔”，原来西人有句情色俚语叫“Green Goods”，都系用嚟形容未破处嘅人，仲要系男女啱用。讲起“青头仔”，有人话呢个称呼同处男嘅兵器颜色呈青色有关，呢个讲法有啲无稽。亦有专家指古语中嘅“青”字可解作黑色，所以“青丝”即系黑发，由此推敲，“青头仔”即系满头黑发嘅青年人，未破处一啲都唔出奇！

Green Meadow 诱人地带

“Green”同“Meadow”都可以解作草地，但两个字夹埋就会变咗情色俚语，用嚟暗指女性嘅私处同阴毛。咪睇小呢一小撮毛毛，除咗可以喺进行活塞运动期间，避免私处因过度摩擦而受损，仲有保暖作用，令女性体内嘅卵子能够喺正常温度下生存，提升受孕机会，所以如非必要都系唔好乱咁剃！

《The New Behind the Green Door》重塑经典

电影人翻拍经典嘅例子多不胜数，原来四仔界都会咁做，其中由Vivid Video喺2013年推出嘅《The New Behind the Green Door》，就系以1972年上映嘅经典成人电影《Behind the Green Door》为蓝本。呢套旧作被喻为美国成人电影史上3大经典之一，片厂为咗呢个重拍计划，不惜花巨资搵嚟殿堂级导演Paul Thomas执导，仲请咗Penny Pax、Brooklyn Lee、Mia Lelani等屡获殊荣嘅脱界天后参演。虽然系翻拍之作，但剧情上加入新元素，又喺三藩市街头取景，务求打造出电影级水准，难怪呢套作品喺多个四仔颁奖礼上获得提名啦！

昙花一现　绿川雅

日本AV界耐不耐会发掘到一啲惊为天人嘅极品，但捞咗一阵就消失，好似喺2020年9月以Fitch专属女优身份登场嘅绿川雅，就属于呢类昙花一现嘅女优。究竟阿妹有几正？个样劲索唔在讲，而且身材高挑，有一双修长美腿，心口仲有对40H巨乳，所以当年一出道已引嚟AV迷哄动，处女作《新人 H Cup女子大生》更成为FANZA周销榜冠军！及至2021年1月，阿妹转做企划单体女优，人气更劲，可惜喺同年6月突然宣布引退，原来佢一早谋定后路，转投另一间事务所，并改名“Miyabi”发展网红及舞蹈员事业，成绩仲好唔错添！