徐怀钰时隔17年出专辑　新歌挨批：老土

台湾歌手徐怀钰（Yuki）自上年出演内地真人骚《乘风2023》翻Hit，并喺近年复出歌坛嘅佢，日前更时隔17年推出第七张专辑《光致．蜕变》，将演艺心路历程及人生经历浓缩成13首歌，唔止交出首支创作处女作，更邀请到张震岳、徐佳莹等人合作。

徐怀钰分享道自己喺音乐路上蜕变成长嘅心路历程，直言时隔17年出专辑要克服嘅心魔系：“不要想太多！”表示自己不时会被酸民攻击，就连粉丝都“管很宽”，寁专辑名称到歌曲都引起唔少评论，主打歌《来都来》更被酸老土，令佢忍唔住反击道：“都发了呀，来都来不然想怎样？”此外，其同名新歌《光致蜕变》亦特别搵嚟好友张震岳一齐合作，事前对方更要求佢真情剖白挖掘出内心黑暗面，徐怀钰直言期间谂起唔少原生家庭嘅经历，创作过程更忍唔住泪崩。