張致恒遭質疑打機有錢課金無錢開飯　終極發聲：我唔覺得有錯囉

藝人張致恒與太太區燕雯（雯雯）婚後育有4名兒子，撐起成頭家真的不易，其經濟狀況經常出現問題。不時呻窮網上求救。雖然張致恒已做地盤兼炒散營登「散工界KOL」，但似乎仍未能脫貧。

近日他愛上打寶可夢的卡牌手遊，並成功抽到多張EX靚卡，不過由於要成功集齊卡牌難免要課金，令網民質疑他有錢課金但卻呻窮無錢開飯，結果再惹熱議，他即發文澄清：「邊個話一定要錢先可以打機？再加上我每次打幾分鐘，平時我真係好少出聲，但係我今次真係唔覺自己有錯囉。」