谭辉智自嘲“最老新人”　陈懿德“叫3飞”最威水

无綫“万千星辉颁奖典礼2024”新增“最佳男新人”及“最佳女新人”两个奖项，以鼓励入行不超过5年的艺人，其中“中年好声音”谭辉智出现于名单上，他于台上自嘲“最老新人”，而近期备受捧的陈懿德（德德）入围“最佳女新人”外，更分别入围“最佳女主持”及“飞跃进步女艺员”，“叫3飞”风头一时无俩！

德德与辉智齐齐受访。谈到自己“叫3飞”，德德打趣自己会“all in最佳女新人”：“其他两个奖入到10强已经系突破，比较有机会嘅就系新人奖，希望大家投我一票。我入咗3年，好开心每年颁奖礼都有进步，有啲唔同嘅嘢俾大家睇到，今年好似中咗大奖咁，听工作人员讲有3个提名已经系最多。”而辉智谈自己入围坦言：“我40（岁）喎，其他嗰啲全部廿几咋，如果我得奖佢哋咪敬老啰。（有信心？）信心就轻微啰，得到奖就好尴尬嘞。”

另外，德德被指与好友罗天宇曾躲暗角“咿唈”，她回应表示：“多谢大家咁关心我哋，但其实同场仲有其他人嘅。我哋好热爱自己嘅工作，所以谨言慎行，但有啲报道标题太Juicy嘞，真系冇啲咁嘅事，希望手下留情。（系咪同罗天宇了解中？）佢系好男仔，我哋大家努力工作，总之如果有拍拖，我都会低调啰。”辉智闻言即大赞二人男才女貌，十分匹配，搞到德德大叫救命！