王丹妮苦練拳擊　打周秀娜有難度

藝人王丹妮首次接拍賀歲片，於《臨時決鬥》內既要動作上陣，還要苦練忍笑功。她形容自己是戲中笑點最低的：「我承認拍攝過程中最忍唔到笑，之前冇拍過喜劇，所以對我嚟講好新鮮，不過後嚟畀我搵到個蹺妙，喺現場拍攝前同Rehearsal嘅時候都笑咗先，笑餐飽到正式拍攝嘅時候就盡力忍笑，Enjoy個Moment感受。」

問到為拳擊戲份努力練拳可有受傷，她坦言：「對於泰拳，我係零知識，由基本動作開始學，有少少難度，但都算學得快，平時同教練切磋，不時加緊練習，加埋鏡頭配合，感覺都幾流暢，絕對交到功課㗎！當然同周秀娜對打有難度，我唔係好有對打經驗，所以要記住每步，唔可以記錯，好彩順利過關。」