朱晨丽孖两小鲜肉拍剧玩得开心　最难系全普通话对白

艺人朱晨丽（朱朱）早前返内地拍摄家族伦理剧《归棹》，该剧今日（24号）正式在影视平台上架，谈到拍摄时的轶事，朱朱开心回应：“同内地演员马柏全及张康乐等合作，我演佢哋嘅姑姑。虽然辈份好似好高咁，但我同佢哋都好倾得埋，尤其私底下玩得好开心，互开玩笑。（同小鲜肉合作喎。）佢两个年纪系好轻，不过演出经验其实好丰富㗎。”她又指与“家人们”建立出不错的友谊，至今一众演员还保持紧密联系。

而其中一场戏描述朱朱要骑“绵羊仔”，她忆述：“我对呢样嘢完全唔识，惟有喺入夜时由工作人员陪同下去练车，由一穷不通到成成功解锁，依家多咗一个技能傍人喇，哈哈！”由于今次全普通话对白，朱朱直言开拍初期也有点不习惯﹕“因为要讲啲好贴地及生活化嘅语句，我惟有快速咁进入适应期啦，都顺利过关嘅。依家每次演戏、同唔同嘅人合作，我都会当自己喺度学紧嘢，增值自己啰。”