李珠珢娃娃脸旧片出土　水汪汪大眼惊变丹凤眼

南韩啦啦队人气成员李珠珢，凭精致靓样及前凸后翘身材圈粉无数嘅佢，更系一举一动都备受关注。而日前，有网友喺社交网晒出一段李珠珢初出道时嘅青涩应援片，只见篮球场上将头发绑成猫耳造型嘅佢，身穿百褶短裙嘅水手服装，整体望落少女感十足嘅同时，不时伸脷及露出灿烂笑容嘅佢，更系令人冧到晕，不过似乎妆容嘅问题，片中嘅李珠珢脸颊圆润之馀，眼睛亦较为细长，同依家水汪汪嘅大眼稍有差异。此外，日前李珠珢喺社交网晒出亚虎LOGO配色嘅应援毛巾及Cap帽，亦令唔少网友揣测佢之后会继续留台发展，并且加入该球团应援。