黄美棋搣甩邻家女孩形象　澎湃谷胸迎圣诞

艺人黄美棋虽然下嫁拍拖11年的男友锺健威（Ray），荣升人妻的她仍然爱大解放，在社交网分享性感相派圣诞福利，穿上大露背、低胸裙的她，事业线相当强劲，令人目不转睛。

美棋昨日接受访问时指不少网民觉得她嫁人后，衣着大胆不少，但这次并非刻意影性感相：“Ray今年成立咗个Studio，布置完圣诞装饰后，又觉得个景好靓，咁就不如影吓相，立即搵摄影师同化妆师朋友帮手，其实我事前唔知咩造型，只知道条裙系ok嘅，同埋我结完婚之后，Ray话不如去马尔代夫度蜜月时影辑靓相，所以一路都有keep住身形，可惜到依家都未去啰，仲有我拍梗饮食节目，咁我本身又为食，想喺未变肥前影多啲相。”

问到性感派街坊可担心老公诈型？她则说拍摄前老公不知情，因为她失踪了几个钟：“我放低咗电话影，佢搵我唔到，直至我影完再send啲相畀佢，佢先知我影呢啲咁嘅相，我都有望过啲相，觉得个效果好靓，系我平时唔会影嘅相。（老公咩反应？）佢话影几靓。”又说因事前没有试身，而胸前设计又是Deep V，所以她只可“打个普通底”就埋位拍摄。

美棋透露近年都忙拍广告、网上节目及饮食节目，又她觉得变成人妻身份后，反而吸纳了更多客户，可能因觉得她不再是小妹妹，所以工作层面也扩阔不少，她说：“美容、健康产品都会搵我，好开心啲朋友同客户咁支持我，今年系丰盛嘅一年。”

而Ray接受访问时，大方谓不介意老婆性感，更狂笠美棋高帽谓：“难得系佢最靓嘅时期，加上佢结婚后好努力咁Keep Fit，又有个咁靓嘅场，点解唔推销吓。（可有定太太性感底线？）唔可以性感过佢结婚时嗰套大尺度婚纱啰，同埋老婆又放我一个去沙巴潜水，畀我吸引吓能量，只要佢影得靓，我完全唔会诈型。”