肥仔新歌MV化身潮流公仔　向偶像郭富城致敬

男圑ERROR成员梁业（Fatboy）推出新歌《MASCOT》，自己更在MV中以一身有公仔、吉祥物的意思的“Mascot”打扮示人，他道：“我呢期比较锺意Labubu，歌曲就系inspired by佢喇！依家都好多人锺意买公仔，或者身上嘅饰物，都会有mascot，所以今次嘅内容，系讲有只Mascot陪伴你，就会好开心。”

《MASCOT》道出了Fatboy希望传递的快乐讯息，而歌曲风格亦从90年代的一些经典金曲中取经，Fatboy续道：“我哋ERROR玩开复古嘢，今次就会有少少似Aqua《Barbie Girl》嘅Disco EDM Music多啲，另外亦参照咗我偶像郭富城《Para Para Sakura》嘅少少feel，成首歌有少少似同只mascot互动玩嘅感觉。”

不少人都锺意Mascot，Fatboy在新歌MV中为歌迷来惊喜，有不同大小的Mascot登场，他介绍：“MV除咗我嘅打扮似一只Mascot之外，我都特登设计咗一只Mascot，佢双眼蒙蒙哋，但其实佢都系一只恶魔，呢只Mascot叫做Arthur，又名阿花。MV场景仲多咗两个293嘅物体，佢其实系平时啲吹气公仔，佢嘅Movement同193嘅Movement系一样，所以我叫佢做293。”

之前ERROR《黄金圣衣》中的“济典娜”成为MV一大惊喜，今次Fatboy同样邀请到猛人参与！他笑着说：“今次请唔到‘济典娜’过嚟，但就搵咗‘阿部济’，又或者叫佢做‘济八通’，今次佢客串担演说书人 ，喺入面串连故事，但其实佢都系值得被欺凌嗰个。济哥今次嘅造型，系一个破格嘅演出，你知啦！佢成日笑ERROR，今次畀佢扮喇！”Fatboy的舞步都有暴走感觉，不依正轨发展，亦与他平时型爆的舞技截然不同，他自己也坦言：“今次系偏向得意但未必系最靓最可爱嘅类型，但都希望大家锺意新歌啦！”