Bob大膽同「小三」拍拖睇戲　美女撞樣官恩娜

金牌司儀林盛斌（Bob）同太太育有三女一子，早前佢公開鋪路幫6歲孻仔林道申（Jaye）入行做童星，估唔到細仔未「出道」，網民先睇好16歲大女林霏兒（Faye）有星相，細細個就以肥妹仔形象示人嘅Faye，愈大愈愛打扮，暴風式成長為美少女，仲同出名索爆嘅官恩娜撞樣！

Bob近日自爆兩父女入戲院睇戲，竟畀人覺得佢有「小三」埋身：「16年來，第一次同佢拍拖睇戲。其實依家同佢兩個人出街，真係會畀人覺得我係有小三，仲係要溝𡃁妹嗰隻😂😂😂」Faye一身時下年輕人最愛打扮，擺出可愛pose，散發一股少女味，而且眼大大、臉尖尖，非常省鏡，張振朗第一時間衝出來自薦做女婿叫Bob「爸爸」，非常搞笑，亦有唔少網民亦大讚Faye愈大愈靚女，「女大十八變」、「直接出道」、「好靚女，好似官恩娜」。