Bob大胆同“小三”拍拖睇戏　美女撞样官恩娜

金牌司仪林盛斌（Bob）同太太育有三女一子，早前佢公开铺路帮6岁孻仔林道申（Jaye）入行做童星，估唔到细仔未“出道”，网民先睇好16岁大女林霏儿（Faye）有星相，细细个就以肥妹仔形象示人嘅Faye，愈大愈爱打扮，暴风式成长为美少女，仲同出名索爆嘅官恩娜撞样！

Bob近日自爆两父女入戏院睇戏，竟畀人觉得佢有“小三”埋身：“16年来，第一次同佢拍拖睇戏。其实依家同佢两个人出街，真系会畀人觉得我系有小三，仲系要沟𡃁妹嗰只😂😂😂”Faye一身时下年轻人最爱打扮，摆出可爱pose，散发一股少女味，而且眼大大、脸尖尖，非常省镜，张振朗第一时间冲出来自荐做女婿叫Bob“爸爸”，非常搞笑，亦有唔少网民亦大赞Faye愈大愈靓女，“女大十八变”、“直接出道”、“好靓女，好似官恩娜”。