姜皓文化身「電影痴漢」　揭示港產片情懷

姜皓文與廖子妤（Fish）主演的電影《曾經擁有》宣布定檔於下月11日上映，姜皓文在戲中化身「電影痴漢」，是一名香港電影狂迷，故事聚焦這位神秘主角，揭示港產片情懷，預告中更見到他與跟Fish重現電影《食神》中莫文蔚為周星馳擋刀一幕，Fish以爆牙火雞姐造型亮相，形神俱似，成為片中搶眼亮點。

導演徐梓耀透露故事啟發自一名真實的影迷故事：「『電影痴漢』確實是真有其人，估計香港嘅電影工作者大多都留意到呢個人嘅存在，因為無論係拍攝現場定係宣傳活動，只要同港產片有關嘅地方，就會見到佢嘅蹤影，但片中大部分内容都係虛構嘅，所以絕對講唔上係真人真事。順帶一提，佢借出好多珍貴嘅道具畀我哋拍攝呢套戲，例如『食神嗰支旗仔』，劇情裏面提到嘅絕版碟，都係真有其事。」