刘颖镟夺女配打定输数　与陈晓华争“最佳衣着奖”

无綫艺员刘颖镟（Tiffany ）今晚（25号）以抽奖嘉宾身份出席美食节活动，她表示今年圣诞过得特别开心及温暖，因母亲自美国来港，可以一家三口齐过节及和12月生日的父母庆生：“爸爸就长期喺香港嘅，但因为夹唔到时间，所以同妈咪起码有两、三年冇一齐过圣诞。”又谓之前特别安排了 Family Trip，带同未过去东京的父母齐玩五日，全程品尝美食，Shopping及睇景点，问是否豪华团？她说：“系我请，最紧要一家人开心，佢哋锺意买咩嘢都会买畀佢哋嘅，我自己就冇乜买嘢，但妈咪过几日走 ，所以好唔舍得。”

临近无綫《万千星辉贺台庆颁奖礼》，Tiffany谓已有本地时装设计师为她度身订造靓裙，问是性感款式？她卖关子谓：“到时就知，都睇咗个服装图，但未试上身，主要骚腿，同埋颜色系我好少喺大骚度着嘅，我都好期待出嚟嘅效果。”有份角逐《最佳女配角》的她，扬言对奖项没信心，因为今年对手太强，所以叠埋心水扮到靓往现场睇骚：“佢哋套套剧我都有睇到好肉紧，如果要投票都唔知畀边位，我都期待边个攞奖。”

虽然打定输数，但她就想攞“最佳衣着奖”，有谓叫“3飞”的陈晓华自言有信心擸埋“最佳衣着”奖，她则说：“真系架？咁我可唔可以同佢争呢个奖？佢有咁多个提名，让衣着奖畀我啦，讲笑啫，佢每年都好靓，（佢好贪心？）我冇咁贪心，（陈晓华事业，爱情两得意）我要事业，呢个好重要，爱情暂时未需要。”