小S晒全家福　大S孖老公激罕現身

台灣藝人徐熙媛（大S）同前夫汪小菲離婚後，閃嫁舊愛韓團始祖「酷龍」成員具俊曄，婚後大S更鮮少亮相幕前，其行蹤動向都備受關注。而隨着聖誕來臨，徐熙娣（小S）日前亦晒出全家合照，並不改「酒鬼」本性道：「跟家人在一起就是開心，好啦，這種氣氛，能不小酌一下嗎，祝大家都平安健康。」只見去咗美國讀書嘅大女Elly返咗台灣過節外，鮮少露面嘅大S亦同老公具俊曄同框放閃，素顏上陣嘅大S氣色紅潤嘅同時，依然仙氣十足，凍齡狀態亦引嚟唔少網友大讚：「大S真的美到發光！」、「真的回春了！」、「熙媛太美了！」紛紛留言希望大S可以重返幕前。