張馨予老公被嘲做保安　老婆8字反擊

內地女星張馨予2018年同軍官老公閃婚，並甜蜜表示結婚唔係因為年齡到，而係：「嫁給他，嫁給愛情」，並被網友封為「最美軍嫂」。未料，日前張馨予老公就被內地網友爆出轉行喺廣州大學做保安，月薪10,000人民幣（約10,600港元），年薪約15萬人民幣（約15萬9千港元），並被網友酸收入低，襯唔上張馨予。對此，張馨予日前亦喺社交網發文道：「價值觀是個好東西。」雖然未有明確說明，但仍被外界解讀成護夫行為。

不過，亦有網友指出，張馨予老公從事嘅保安雖然係第三方機構簽約，但實際上仍然受政府相關部門指揮，並不隸屬於學校，同時該職位嘅競爭亦相當之大，對於張馨予老公能夠錄取一事，其實相當不易，並認為對方有正當收入，冇必要被人酸言酸語對待，更冇規定女星就要嫁富豪，加上張馨予婚姻生活穩定，亦係一件幸福事。