娱圈单打︱娘子惨遭食豆腐　巨乳女神的烦恼

客串担任《中年好声音3》评审嘅最索女高音海儿，最近自爆巨乳的烦恼，由于样貌与身材太出众，一行出街就被咸湿佬疯狂行注目礼。最离谱一次，系惨遭变态佬偷影裙底春。海儿果断生擒变态佬兼直斥其非：“你睇吓咪算啰！做人要知足，有缘睇到就算啦，仲要影低！”最终变态佬删相兼道歉。

哈哈，有名你叫巨乳海儿，呢位靓女果然胸襟广阔过人，仲可以咁冷静同变态佬讲道理，不得不赞句美貌与智慧并重呀！刻下所有雄性动物除咗想呵番海儿，就系想佢快啲再做节目同观众见面。海儿就话，如有适当时机，不抗拒重返《中3》做评审，咁粉丝惟有畀耐性等吓啦！

话时话，香港娱乐圈近年真系好少海儿呢类睇得又打得嘅靓女嘞，睇吓伊人履历，绝对天赋异禀，小时候以优异成绩考获皇家音乐学院八级钢琴考试、八级声乐考试，14岁荣获第11届香港（亚太区）钢琴大赛冠军，其后于香港演艺学院取得音乐荣誉学士学位，又喺伦敦皇家音乐学院硕士毕业，专攻女高音，绝对多才多艺。

巨乳海儿咁稀有，大家真系要好好保护，祝福伊人唔会再被变态佬食豆腐。之但系，女人身材过于出众，又真系会惹来唔少烦恼。好似TVB大骑楼郭珮文，坦言身材太澎湃，唔可以买冇弹性嘅上衣，否则着唔落喎。佢上次上《奖门人》玩游戏，仲引发男艺人胸袭疑云，真系惨惨猪！

波波黄婧灵亦唔弱，同样有买衫难嘅问题，甚至因为胸部负荷过重，搞到腰酸背痛！听喺一众“飞机场”港女耳中，唔知系攞景定赠兴呢？