波波腳傷終痊愈　獲兩野男左右護法

「波波」黃婧靈早幾個月前因不慎碌落樓梯，導致腳掌骨裂，要長時間戴上固定護具，前日她於社交平台晒出相及影片向大家宣布已康復得七七八八，片中行動不便的她更獲兩位猛男一人一邊提起走路，見波波笑得咁開心，就知佢好享受，好留言：「Happy Boxing Day!

Unbox 自己隻腳，事隔四個月，雖然依家行得走得但係都成日隱隱作痛，但隻腳終於都叫做有啲起色，跌斷咗隻腳最大嘅感想就係，原來無打跛腳唔使憂呢回事，個段都有努力返工，喺唔影響節目嘅情況下，拍得嘅都拍咗，我都盡我最大努力去拍哂同埋做好佢，仲有好多好心人見到我趷吓趷吓都扶住我，多謝你哋每一個陪我行嘅每一段路，仲有鄭醫師一直都係我每次著高踭鞋做完嘢幫我回血，繼續加油呀我要，P.S. 多謝野男s，雖然無緣同你哋拍嘢，但好多謝你哋成日以各種方式扶我。」