张曦雯认做不浪漫女友　男友将佢缺点照单全收

无綫花旦张曦雯（Kelly）与圈外男友拍拖8年，近年愈爱愈高调，除间中被拍得公开拍拖放闪外，谈起男友的体贴，Kelly更冧到爆，早已认定对方是可托付终身的人。外表温柔的Kelly却自认情路上性格一点也不浪漫：“反而生活上嘅小事，佢已经感动到我，好似佢明白我嘅工作性质，畀我足够嘅空间，从来对我冇乜特别要求，知道我嘅缺点又会照单全收，所以我真系好好彩，连我父母都觉得佢好好。”

原来男友移居香港，主要原因都是迁就Kelly的事业需要，她说：“其实疫情期间，佢系可以返美国发展嘅，但佢都选择咗留低，幸好佢依家喺香港都多咗嘢要做。”虽然Kelly即将要投入新剧拍摄，但刚过去的圣诞节依然没有选择过二人世界：“因为我成家及好多亲戚今年都返咗嚟，所以要享受家庭生活呀，男友又OK喎。”

Kelly又透露男友性格“顺得人”，但却对一件事情有独锺：“就系佢好锺意储波鞋，每对鞋着完出街，都好有心机咁慢慢抹，喺屋企佢个鞋柜大过我嗰个好多。（咁你又锺意储乜？）储钱，同埋储观众嘅认同及分数啰，哈哈！”