趙露思曾為拍劇陷短暫性失聰　粉絲偵破頭像隱喻

內地「甜寵女神」趙露思因被拍得深夜坐輪椅急送入院，加上其社交平台更離奇地突遭封鎖，鬧得滿城風雨，及後公司宣布趙露思立即停工直至病愈，惟網上傳出趙露思其實患有重度抑鬱症及失語症，如今要靠好友代為發文報平安。估唔到傳聞繼續有嚟，網上又傳出佢早於拍攝劇集《神隱》時，就試過一隻耳短暫性失聰！

有趙露思粉絲指出偶像近年多年辛酸事，趙露思拍攝《神隱》時不幸被確診新冠肺炎，更令一隻耳短暫性失聰，但佢都堅持繼續拍攝，同時佢失去味覺，工作人員拎檸檬畀佢食，佢面不改容咁食落肚；佢喺早前仆直嘅新劇《珠簾玉幕》發表會時，哽咽話大家見到佢都話佢成長咗，原來嗰年佢有家人過世，但就未有公開同大家宣布；早年佢被謠言戀情同遊時，佢嗰次旅遊其實係去為領養嘅小狗進行安葬等。另外，粉絲又破解趙露思好友所晒出嘅對話截圖，發覺趙露思嘅頭像係一張「化繭成蝶」嘅相，相信女神喺歷經今次磨難後，一定會迎嚟新生及自由，粉絲亦會繼續支持佢。