江嘉敏浸泡泡浴回眸一笑引死人　裝備自己練歌練琴樣樣齊

無綫藝人江嘉敏自從變番長髮及修身有成果後，不時於社交網 分享靚相，索爆示人。日前，她PO出了一條於酒店拍攝的短片，片尾竟然出現出浴鏡頭，於浴缸內浸泡泡浴的嘉敏，露出白滑美背，期間她吹泡泡，回眸一笑，相當香艷。她更留言：「2024最後一個星期日，繼續專注的工作，勤力的吃飯，努力的減肥，好好的生活。」

剛剛正式踏入30歲的她，昨日接受東網訪問時被問到來年展望，她謂：「我寫緊自己個LIST，我想話2025年第一日開始，每一日起身返工前，都跑個步先，我想用行動話畀大家知，我真係好努力減肥，其實依家我都有做運動、節食，但效果唔明顯，要再加強啲，想逼自己有個新開始，Keep fit之餘想身體更健康，至於工作方面，我都係等公司安排，但都想喺唔同渠道方面發展，拍吓電影、廣告咁，呢排我都好勤力練歌、練琴，近排好多朋友都搞緊舞台劇，自己都想裝備自己，如果真係有機會做，希望表現會好啲。」之後農曆新年，她都會為新年節目唱歌。