高海宁盼旺上加旺　静候代表作

艺人高海宁(高Ling)这几年事业运相当不俗，忙到冇停手，剧接剧之馀，更获得不少奖项肯定。高Ling现时于内地拍摄无綫新剧《夫妻的博弈》，日前节日都要开工，不过回顾上年，她接受东网访问时开心谓：“觉得今年系好丰盛、收获好多嘅一年，拍咗好多剧集，亦得到奖项上嘅鼓励，我攞到3个唔同嘅‘女配角’奖，好开心，希望嚟紧拍嘅嘢都可以获得观众嘅支持，角色引起大家共鸣，凭住其他作品有代表作。”

高Ling即将亦要为《新闻女王2》开拍，而她与马国明主演的贺岁电影亦将上映，她从心笑出的谓：“我希望2025年事业运一样咁好，可以继续接受唔同工作及挑战，好多工作安排紧，相当感恩，自己会努力做好每一件事。”问她来年有甚么想做时，她笑谓：“我真系连续忙咗年几冇停，嚟紧真系希望可以有时间同家人去旅行，亦都好想返南京探婆婆，不过都唔会放得好耐，因为都排咗好多工作，我亦都好想见吓啲朋友，今年我所有节日都冇庆祝，倒数嗰晚就瞓觉，所以好想同佢哋见面倾吓偈，如果唔系我怕会冇晒啲朋友。”