黃妍自爆單身6年多　被批「好難有男人」

玄學家七仙羽（七師傅）與歌手黃妍今日（3日）為HOY TV節目《開運秘笈 2025》錄影。屬猴的黃妍表示今年將會犯太歲，又透露已單身6年多，七師傅先着她今年不宜遠行，並指她的八字「好難有男人」，但無論如何就算求其也要找一個，因缺男人會影響她的事業運：「佢冇火，要去南方搵，例如印度、巴基斯坦、阿富汗同科威特。（南區？）都得！就算重慶大廈都好多火。」她又教對方可在家中多放鏡子照著獎項，因鏡的折射會令獎項翻倍。

黃妍笑指膚色並不是問題，但擇偶底線是要身高1.8米以上和有才華。另她透露稍後會推出新歌，指上年為播種期，嘗試挑戰了音樂以外的範疇，期望今年能完成計劃及出多幾首歌，不過七師傅即指她今年宜守不宜攻：「出多歌唔代表好成功，最緊要有代表作，唔對路就一定要縮，唔好衝出嚟『七』！」

另提到七師傅早前打算跟湯文亮對賭，預測今年股市及樓市升跌，結果對方縮沙之餘更罵七師傅是潑婦，她坦言一直也當對方是朋友：「佢當我潑婦，我唔嬲，因為師傅愛你，我絕對冇嬲，就算唔賭都可以做朋友，我有好多禮物送畀佢。」