魏浚笙日操3小時　戒澱粉質谷肌

男神魏浚笙（Jeffrey）近日夥拍潘燦良，「父子檔」夥拍張繼聰、謝安琪（Kay）及囡囡張靖（Kakaball），為銀行產品拍攝廣告。Jeffrey於廣告內代表追求健康保障的一族，廣告導演大爆當他現身時，所有工作人員把拍攝場地擠得水洩不通，而Jeffrey則自爆：「希望拍攝效果好啲，喺拍攝前一個星期，我基本上每天都操肌3個鐘，又戒晒所有澱粉質。而能夠同前輩潘燦良趁機交流『戲』，真係好開心。」

而潘燦良對於首次與Jeffrey「父子檔」合作，表示過程非常愉快：「佢工作態度好認真，又表現出對舞台劇嘅興趣，希望遲啲能夠有機會鬥吓戲啦。」而Kakaball性格活潑好動，拍攝時令現場歡笑不斷，阿聰笑說：「今次最難忘係廣告中有一座巨型嘅英式下午茶道具，Kakaball同Kay不斷自拍，最後Kakaball因為劇情需要食咗好多次蛋糕，佢話呢件事令佢好開心。」