叶茜文家姐嫁德国多年终回港　每日陪饮陪食肥晒

无綫艺人叶茜文（Sophie）的家姐最近一家由德国回港，她自然要做导游陪伴家姐与姨甥仔女在港四处逛，她说：“家姐嫁咗去德国好多年，因为疫情，佢哋对上一次返嚟香港已经系2018年，好耐冇见佢哋，今次佢哋家人一齐返香港玩，我就陪佢同姨甥食一啲地道嘅茶餐厅，食菠萝包，家姐都好挂住香港嘅嘢食同埋中菜，主要都系带佢哋周围食，食到我都肥咗，哈哈。”

快乐的时光过得特别快，Sophie指家姐将要返德国，但姨甥女则会多留在香港4个月体验香港的生活和文化，她说：“佢都咁嚟过香港旅游，但系冇真系感受过嗰个香港文化，所以佢想返德国读书之前留喺呢度4个月，顺便见吓我哋，因为如果迟啲读PHD就难啲走开喇。所以嚟紧嗰几个月我都会充当导游，带佢去唔同香港嘅地方，其实自己都好少探索香港，平时都系返工、放工喺公司喺屋企，所以我觉得嚟紧呢4个月，自己都会有唔同嘅体会。”

Sophie虽然要“带团”但同时又要拍摄处境剧《爱．回家之开心速递》，近期更要走入录音室录音为新年花车巡游作准备，相当忙碌。