姚焯菲𢱑合作！汪明荃多得AL带挈　出萝卜糕爆晒单

“声梦小花”姚焯菲（Chantel）与锺柔美（Yumi）今晚（11日）齐为筹款节目担任表演嘉宾，其中Yumi更4度跟汪明荃合唱，Yumi坦言最初不敢跟对方攀谈：“依家终于敢同佢倾偈，我之前喺红馆睇佢嘅演唱会，佢真系好犀利，喺佢身上学到好多嘢，我要好好向佢学习。”至于Chantel也希望有机会跟汪明荃合唱并请教唱功，又指自己跟Yumi一样最爱汪明荃名曲《迷人Pink Lady》，笑言：“如果可以同Yumi一齐翻唱呢首歌都好，因为我哋都好粉红色，好代表到我哋。”

汪明荃在节目中跟锺柔美（Yumi）、林奕匡以及黄妍合唱，讲到第4度跟Yumi合作，汪明荃表示：“导演想我同年轻人合作，我之前同Yumi拍过跳舞片，所以就谂起佢。（Yumi话最初唔敢同你倾偈，你吓亲佢？）冇，我锡住佢，Yumi大个咗，变得成熟同淡定咗，依家敢同我倾嘢。（姚焯菲话都想同你合唱。）好，有机会可以合作。（姚焯菲同Yumi都好锺意你嘅《迷人Pink Lady》，你介唔介意佢哋翻唱？）紧系唔介意。”

另外，提到汪明荃最近为自家萝卜糕品牌拍广告，吸引大批Anson Lo的粉丝捧场，她解释：“上次Anson Lo喺演唱会话，佢之前嚟我屋企拜年，食咗好多我整嘅萝卜糕，佢仲带咗一底萝卜糕畀佢妈咪食，可能因为咁，佢好多粉丝都话要订购，真系益咗我。”她自言每年都有不少艺人到她家拜年，包括Anson Lo、容祖儿及蔡卓妍等，她自制的萝卜糕均大受他们欢迎，她谦称：“Anson Lo同佢啲队友都食好多萝卜糕，可能佢哋好肚饿。（老公罗家英捧唔捧场？）佢都好锺意食，其实个食谱系家英哥妈妈嘅，系家传之宝，今年我交畀厂商大量生产，所以我今年唔使落手整。”

同场有歌手吴业坤，他笑言今年是眼镜起雾10周年：“我系2015年4月18日推出第一首单曲，所以就同公司讲趁今年10周年搞个小型巡回演唱会，第一站系广州，下星期东莞系第二站，年尾会喺香港举行咁就好圆满，当然如果可以去埋美加同日本搞就更开心。（香港想喺边度搞？启德？）启德太妙想天开，畀多几年时间我，其实个场大细都唔紧要，我知依家啲场好抢手，我希望系2、3千人嘅场馆，依家物色中，红馆我就冇入纸喇！”除了巡回，他亦努力出歌，预计情人节前后会推出新歌。

工作以外，吴业坤认为要工作及生活平衡，他最近在空手道比赛中获得两项亚军，成绩优异，他说：“我花咗4年时间去达到目标，啲人话以我个成绩可以入到香港初级代表队，成绩再好啲就可以入港队，如果我努力都有可能参加奥运，冇嘢系冇可能。”