周柏豪新年见番旧朋友　囝囝唔锺意爸爸返工话会流血？

艺人周柏豪昨晚（11日）现身慈善筹款节目，他透露工作至年廿九才正式收炉，农历新年才有假期好好休息，但近年经常跟小朋友旅行，故今年选择留港度岁，并趁机跟朋友敍旧：“自从疫情后少咗同朋友见面，加上我有咗小朋友，所以好似甩咗朋友圈咁，希望由社恐变番社牛。（新年会带小朋友四出拜年？）会，每年公司都有团拜同食开年饭，一定会见吓‘大湾仔’，不过大家都忙，好难得约到。”

柏豪称女儿及儿子现时分别5岁及3岁，女儿很明白事理，知道他要工作，会在电视观看他唱歌表演，但儿子年纪尚小，就很不喜欢他上班：“佢见我返工就会话‘返工流血’，意思系返工呢样嘢流血，因为佢觉得流血系最强嘅攻击，我去打波，佢就会话‘打波流血’。”

他自言打篮球是其青春梦想，近年重拾乐趣，因为他自觉40岁打波是夕阳阶段：“我近年打波真系搏老命，每星期都打比赛，所以都要戴番个牙胶去保护自己，否则咬伤条脷就唱唔到歌。”另外，提到嘉禾院线旗下4间戏院突停业，柏豪大感可惜，但认为这是时代巨轮难避免，但同时会有新事物出现：“我哋都要与时并进，唔可以停留喺同一阶段太耐，都要增值吓自己，唔可以脱节，我都系电影观众，我经常同太太睇早场。”