馮盈盈秘密上廣州生圖曝光　被嘲似路人：大把人靚過佢！

前港姐冠軍馮盈盈當選後備受力捧，惟近年甚少現身幕前演出，突然重返母校港大修讀碩士課程，早前更暴瘦成紙片人。盈盈近日被網民野生捕獲，竟然慘被嘲似路人。

有網民日前在廣州偶遇盈盈與3名男女在街頭等車，並將照片分享到社交網，並留言：「馮盈盈來廣州了！出現在泮溪酒家，五官很精緻#馮盈盈，都說現在在廣州很容易撞見港星，終於讓我撞到一次了」相中看到盈盈穿上白色上衣及黑色長裙，翹埋雙手，拿着環保袋左顧右盼。

有不少網民看到照片後，都指馮盈盈看起來非常普通似路人：「睇落好普通，條街大把人靚過佢」、「尋日在永慶坊現場，近距離見到馮盈盈真人，見到馮盈盈面上好多坑坑洼窪，蓋一大堆粉都掩飾不了」、「博主（貼主）妳比她有氣質好多吧」、「冇人追星拍照」、「乜水？」

不過發文者就為盈盈護航絕非路人樣，更大讚她皮膚白滑，在人群中一眼就看到她，亦有其他網民表示盈盈為港姐冠軍，質素有一定保證。不過令網民感到好奇的，就是盈盈為何突然北上，更指：「唔係話屋企人唔放心上大陸咩？」、「屋企人又放心佢北上。」