《破•地獄》內地票房破2億人仔　導演爆加長版增衛詩雅絕密戲份

由許冠文、衛詩雅等主演英皇電影《破•地獄》今日（13日）於內地迎來好消息，票房突破人民幣2億元（港幣約2.15億港元），由於成績相當不俗，電影將上映期延至2月13日，陪內地觀眾過農曆年，「破」走衰氣迎接大好蛇年。

《破》片於香港和內地都贏盡口碑，大家都非常期待該片推出加長版，導演陳茂賢受訪亦露了不少口風，當問到加長版的剪接進度，他直言今個月應該會完成，但因有多部賀歲片正搞後期，所以還需要一些時間，至於加長版究竟會加些甚麼？他則表示：「依家上畫嘅版本長120多分鐘，我本身係拍咗160多分鐘嘅，埋想中加長20分鐘，會補番岑珈其客串嘅戲份，同埋衛詩雅有一、兩場戲份，我都覺得好好，都會加埋落去。」