洪卓立以《破·地狱》概念开唱　许靖韵强势登场做嘉宾

歌手洪卓立（Ken）早前到佛山举行巡唱，以电影《破．地狱》概念作演唱会主题，他表示：“睇完《破．地狱》首映后就决定用呢个概念做佛山站主题。虽然个感觉好沉重，但又好想同入场嘅观众分享，无论‘珍惜’好、‘爱’又好，希望每一位入场嘅观众都可以拎到啲嘢走。”他直言于构思及彩排时已经想喊：“以为自己Handle到，点知On show嘅时候都系忍唔住，呢几年自己嘅经历再加埋成个气氛，Handle到但忍唔住。”

当晚Ken请来许靖韵（Angela）任嘉宾，表示因做过对方嘉宾，加上二人早前又推出了新合唱歌《作贱‧矛盾》，故一定要邀请对方半当嘉宾唱新歌，他又自爆请Angela做嘉宾有一个好处，因为自己可以“讲少啲”：“我唔使度同佢讲啲咩，佢上咗台个E人制一开着咗，连导演Cue佢，同佢讲差唔多要放我落台Quick change都唔理，我企系个台度唔知做咩好，哈哈。”虽然这个组合性格南辕北辙，但二人出奇地合作无间，自推出合唱歌开始宣传后笑料百出，作为I人的Ken更经常日被Angela强迫营业，拍摄大量他平时不会拍的相片，令阿Ken劲无奈又搞笑。