Do Supaporn奇峰突出 索“泰”模
2025年01月13日 23:00
东网电视
更多新闻短片
Do Supaporn嘅身材火辣，心口对双峰零舍吸睛。（互联网）
巨乳有几吸睛，相信男士们好清楚，难怪有唔少女仔为咗增强魅力，努力丰胸，但有位泰国模特儿试过因为双峰太大，怕丑得滞，有段日子要着住外套先敢出街，佢就系Do Supaporn。
性格内向
众所周知，泰国天气炎热，几乎日日嘅气温都系摄氏30几度，衣着唔够通爽，分分钟热到中暑，但居然有人出街要着外套，真系有啲不可思议，莫非系体感出咗问题？讲紧嘅系今日为大家介绍嘅靓女Do Supaporn，话说来自泰国曼谷嘅佢，有段时间出亲街例必着外套，咪以为系防晒措施，怕娇嫩肌肤被晒伤，真相系想遮掩激凸嘅双峰！
原来Do Supaporn并非一开始就奇峰凸出，加上细个时外貌一般，搞到冇乜自信，性格亦变得比较内敛，后来为咗令自己可以挺起胸膛做人，佢决定为双峰进行后天加工，估唔到效果出乎意料地好，一下子连自己都接受唔到，更加怕被人指指点点，于是挨住热都要着外套出街。
重拾自信
幸好，呢种心态喺成为模特儿之后，开始有所改善，原来Do Supaporn之所以咁注重外表，系因为由细到大一直有个梦想，希望加入模界，着靓衫，影靓相，但一直唔敢踏出第一步，而随住身材进化，样貌又靓咗，终于令佢扚起心肝博一铺。
事实证明阿妹嘅决定完全正确，凭住漂亮嘅面孔同激凸嘅双峰，不但成功跻身模特儿行列，更以展销女郎身份喺多个活动上亮相，人气愈嚟愈劲。有见及此，Do Supaporn开始经营网络事业，频频喺社交平台分享性感写真，且大获好评，于是自信心变得更强，仲令佢决定以“真面目”示人！原来佢之前好兴修图，将相片执到靓一靓先摆上网，喺近半年已经冇咗呢个习惯，依然得网民疯狂畀Like，好明显又系一段丑小鸭变天鹅嘅励志故事。
家阵Do Supaporn有几自信？登入其社交网，睇吓佢啲写真，你就会感受得到。值得一提，阿妹喺OnlyFans帐号上载嘅靓相近乎限制级，真系睇到人流晒口水！