關嘉敏激咀70歲鄧英敏　自爆唔夠狼死NG多次

藝人關嘉敏（Carman）於無綫新劇《奔跑吧！勇敢的女人們》內扮演小三，劇情更安排她「犧牲色相」激咀70歲資深演員鄧英敏，演出出街後即引發網民熱議。談到這場親熱戲，Carman受訪坦言：「我拍呢類戲嘅經驗真係唔多，螢幕初吻畀咗丁子朗，第二個就係鄧英敏啦，而且佢哋嘅年齡差距好大，我完全冇諗過入咗嚟TVB 3年，已經可以同兩個年齡層嘅演員拍咀戲！」

她又透露最初劇本只寫着有「親熱戲」，去到現場先知道要真咀，她直言：「嗰刻不知所措，但做為專業演員，導演需要啲咩就盡量配合，所以好快調整咗自己嘅心理狀態，同鄧英敏好好溝通要點樣做，整個拍攝都好順利。吳若希同朱敏瀚喺隔籬笑得好大聲，成個氣氛好好，令我冇咁尷尬。（NG咗幾多次？）都有5至6次，因為有時要就機位，有時就感覺我唔夠『狼死』。」而對於Carman的敬業，不少網民都大表欽佩。