东网电视
更多新闻短片
艺人卫诗雅（Michelle）今日（17日）以低胸裙现身品牌活动，大晒身材，她笑言想不到也有点睇头，被自己震撼到：“我今日换衫时，自己吓亲自己，原来可以有变化，本身谂住着件高啲嘅打底衫，但都系算啦，结婚前性感一次。（婚纱会唔会性感？）我呢个身材，性感得去边，其他人着某啲衫可以好澎湃，但我着就冇效果，今次系最有效果一次。婚纱未拣定，有几套选择，但唔会好性感，我着咗只会似童装，所以大家唔好有太大期待。（可以加工？）系，但加咗都唔会有太大效果。”
卫诗雅性感亮相。
婚前大解放。
虽然Michelle举行婚礼在即，但她仍不忘行善，早前到了柬埔寨作探访，提到最近有不少关于港人及内地人被诱骗到缅甸及柬埔寨的报道，问她到柬埔寨探访有否担心？她坦言：“都有少少惊，未婚夫时刻都有问我喺边，自己都有开定位。”而此行她首次跟助养的女孩子见面，令她非常感动：“我由佢6岁开始助养佢，佢不知不觉已经14岁。（激发咗你嘅母爱？）有，我见到佢第一件事系揽揽佢，第二件事系叫佢攞啲功课俾妈咪睇，佢话想做医生，佢啲字写得好靓。（令你想生小朋友？）心情好复杂，可能未必自己生，想帮助多啲人，我本身助养咗3个小朋友，去完今次探访，我即时助养多两个，因为有啲环境都几严峻。”她称有跟未婚夫谈过将生儿育女问题，对方跟自己想法相似，大家都持开放态度：“生唔生小朋友都冇所谓，我哋个年纪都唔细，唔生嘅话，领养都可以，如果个天畀我哋，我哋又OK。”Michelle又指会努力学习成为贤妻：“我本身系地狱厨神，但希望厨艺方面有所改善。”不过她近期太忙，未有时间下厨，她之前更因疲劳过度，以致深层肌肉抽筋险要召唤白车。
她婚礼举行在即，但仍不忘行善。
她又指会努力进修厨艺，学做贤妻。
另外，讲到电影人文隽为Michelle未能凭《破．地狱》获得“电影评论学会”的最佳女主角感不值，她称因太忙未有留意：“电影有讨论度系好事。（文隽认为《破·地狱》咁受观众欢迎，但都冇大奖，系与观众为敌。）每个人锺意嘅嘢都唔一样。（系小圈子？）尊重奖项决定，有奖当然开心，但冇奖都唔会失望，因为已经尽咗自己最大努力。（佢戥你不值，会唔会好感动？）每个人称赞都会感动，睇到大家为电影都好努力。”至于内地将延长《破·地狱》的上映期，会横跨农历新年，她认为是好事，可以让更多人看到这部电影，而电影被看好成为金像奖最佳电影，她称以平常心看待所有奖项，最重要是享受整个过程，问到会否帮手拉票？她说：“一定，一直有拉票，我每次见到新朋友都会问佢有冇睇过，希望可以多啲人睇到。”
外间对她早前于电影评论学会失落影后感不公。
她坦言冇奖会失望，但尊重每个奖项的决定。
