舉家於倫敦過年 任達華現身唐人街任影唔嬲
2025年02月04日 04:02
東網電視
更多新聞短片

影帝任達華「年終無休」,平日接戲接唔停手,但每個農曆年總會抽時間陪妻女去旅行放空。目前他們一家三口正身在英國倫敦避年,日前更齊齊到訪唐人街,任達華以特別嘉賓身份參與舞獅慶典,期間遇上不少已移民當地的華裔居民紛邀合照,一向親民的他自然無任歡迎,氹得大家開心不已。
任達華笑說﹕「當地過年氣氛都好熱鬧,我又鍾意舞獅嘛,咪去參加囉,原來佢哋舞獅功駕及技術都好利害,真係大開眼界。今次我仲搵到間好好味嘅中菜館,食到我耳仔郁晒﹗」任達華更一時技癢,掏出手機拍下舞獅盛況留念,且透露:「囡囡Ella(任晴佳)就開學,我同太太嚟過年之餘,都要陪吓佢。呢個假期長咗少少,不過過幾日我都要收拾心情飛返香港,準備開工嘞。」近年迷上繪畫的他,亦抽空於當地欣賞畫展,今次行程可謂相當豐富。