洪嘉豪避談到Ivy So家中拜年 慨嘆新年約唔到波友

2025年02月04日 21:32
東網電視
更多新聞短片
歌手洪嘉豪(Kaho)與電台DJ黃正宜(阿正)今日(4日)到金鐘出席手機活動。大年初七首天開工的Kaho透露剛放了10多日年假,但自己愛靜又想埋頭創作新歌,加上宅男性格及負責做「搞手」的爸爸離港旅行避年,所以他多日來留在家中工作,連出外拜年都謝絕,他說:「想喺2025年創作多啲歌,預計3月推出,首歌喺創作方面好勁嘅。」
問到可有去緋聞女友Ivy So家中拜年?他表示:「冇呢啲,冇去過朋友屋企拜年,我想去踢波,但約唔到波友。」不去拜年是否怕33歲的他被追問戀情及婚事?他豪氣謂從來不怕,連媽媽及外婆也不會追問,坦言和親戚關係較疏離,最好感情的表姐和叔叔已移民外地。
阿正則說新年也是努力創作,自爆致勝密碼:「就係年初一都開工,有約朋友和親戚食飯,可惜約不到『6膠』成員,因佢哋太忙。」問到兩人蛇年可望行桃花運?阿正零矜持,笑指全香港都幫她集氣,而Kaho就謂有人緣是好事,問他是否想覓女友?他指拍拖要睇緣分。有謂Ivy So條件得好,他落閘說:「上次都回應咗係普通朋友,(你追佢咪唔係普通朋友!)唔會嘅!冇得強求,隨緣啦!」
另外,問到日本流感肆虐可有遊日計劃?阿正就謂:「暫時唔會,過咗2月先,(怕流感?)咁又唔係,純粹怕凍。」而Kaho謂本身不愛旅行,怕旅費貴之餘又嫌人多。