栗田惠美 露出女總裁
2025年02月04日 22:00
東網電視
更多新聞短片

栗田惠美有一雙電力十足嘅黑眼睛,足以迷到男人暈陀陀。(互聯網)
近年網上愈嚟愈多AI美女,唔止樣靚身材正,望落同真人冇乜分別,令唔少寫真女優開始擔心飯碗不保,但今日為大家介紹嘅栗田惠美似乎一啲都唔驚,仲利用AI繪圖技術,令自己嘅魅力提升到另一個層次!
童顏甜姐兒
日本寫真界有唔少童顏美女,就算踏入三張嘢,面上都唔會見到有任何歲月留低嘅痕迹,今年30歲嘅栗田惠美就有辦你睇。出身於千葉縣嘅惠美,氣質清純,萌味十足,一對水汪汪嘅黑眼睛更加係電力十足,配合埋笑容,足以迷到男人暈陀陀。與此同時,惠美嘅身材亦正到痹,波大腰幼籮又圓,特別喺心口嗰對F奶彈力非凡,每次喺鏡頭前表演托胸夾胸,令人睇到熱血沸騰,加埋一身白嫩肌膚極具透明感,真係勁吸睛!
善用AI科技
惠美讀中學嘅時候喺涉谷被星探發掘,出道以來,一直好受網民歡迎,事關佢成日將性感照上載到社交網,所以獲得「露出天使」同「SNS戀物天使」等稱號。除咗拍寫真,惠美又創立咗自家美容護膚品牌,而且對於創作二次元偶像好有研究,所以早前就被虛擬偶像娛樂公司委任為行政總裁,負責推廣相關文化。話時時惠美真係好鍾意試新嘢,早前利用AI繪圖技術,用於炮製最新寫真集《バーチャル・ヒューマン》,當中嘅靚相呈現出疑幻似真嘅科幻感覺,令人耳目一新。
栗田惠美最近忙於為最新寫真集做宣傳,周不時會搞吓活動,登入其社交網就會知道相關消息,仲會搵到唔少靚相添!
Profile
年齡:30歲
身高:5呎3吋
三圍:34F-23-34