Zara Mae 剝衫為「錢」途
2025年02月04日 23:00
東網電視
更多新聞短片

Zara Mae天生有一副靚偈,冇理由唔騷吓哥利。(互聯網)
要喺眾人面前脫清光,呢個心理關口唔係人人過得到,但有錢使得鬼推磨,好多靚女之所以加入裸模行列,正正係睇錢份上,今日為大家介紹嘅巨乳裸模兼脫星Zara Mae就係其中一位。
表演欲強
可能有人會話,做得裸模梗係為錢啦,莫非係為藝術犧牲咩!之不過,好少裸模會赤裸裸咁承認自己係為錢剝衫,通常會搬出一個堂而皇之嘅理由,例如為夢想、為興趣等等,而來自英國伯明罕嘅Zara Mae算係幾坦白,一開始已講明投身裸模界係錢作怪,之後進軍脫界嘅原因,亦如出一轍。由於阿妹肯講真心話,令唔少人對佢另眼相看,人氣與日俱增,更曾多次喺AVN等四仔頒獎禮上獲得最受歡迎裸模及脫星提名。
查實Zara Mae自細已經有旺盛表演欲,除咗係學校話劇隊活躍成員,亦擔任過兼職模特兒,夢想有朝一日可以喺娛樂圈發展。高中畢業後,阿妹邊修讀演技課程,邊參加演員面試,而為咗幫補生活費,夜晚會喺餐廳做侍應,殊不知到銀行存款得番個位數時,仍未有演出機會,喺山窮水盡下,決定投身裸模界。
吸金力強
據Zara Mae憶述,當年有唔少模特兒事務所問佢有冇興趣影裸照,起初因為擔心未來星途受影響,一一婉拒,所以當佢願意剥衫,大把人搵上門,並為一本男士雜誌拍咗一輯火辣寫真。唔剥由自可,Zara Mae呢一着令心口嗰對34DDD巨乳贏盡讚許,寫真邀約接踵而至,一下子變成裸模界炙手可熱嘅新星,仲極速賺到人生第一桶金!
Zara Mae話由窮到燶變成小富婆,第一次感受到金錢嘅力量,於是大手買入各類奢侈品,由名牌手袋、服裝到首飾,統統唔放過。隨住人氣愈嚟愈勁,Zara Mae引起英國四仔片廠Bluebird Films嘅注意,並以銀彈攻勢邀約演出,於是脫星事業正式展開,人氣比擔任裸模時更勁!近年阿妹專注發展成人網紅事業,並憑住自家製作品成為網上吸金王。
Profile
出生地:英國伯明罕
身高:162cm
三圍:34DD-25-34
Zara Mae之所以深得四仔迷嘅歡心,除咗心口有一對激凸車頭燈,仲因為之前讀過演技課程,每次出鏡都交足戲,登入其社交網,就可以感受吓佢嘅魅力有幾咁迷人。