關嘉敏多仔追感覺最緊要 任性一次「清袋」出歌
2025年02月05日 00:01
東網電視
更多新聞短片

藝人關嘉敏(Carman)踏入農曆新年定下新目標,期待可歌、影視三線發展,而首要是推出第一首個人單曲,日前她接受專訪時,表示一定要任性一次:「之前我係跳唱歌手,想30歲前有自己嘅歌,不過出歌好麻煩,乜都要一腳踢,同埋出歌好貴,每首最平都要5位數,我想出慢歌同快歌,所以依家清晒袋。」
有指其演戲路比唱歌事業走得更順暢,她亦言瘋狂愛演戲,更望可挑戰不同範疇:「想試吓未拍過嘅電影,仲有恨參加選秀節目,內地啲演員好犀利,都望有合作機會同佢哋交流吓。(想做女主角?)好想,雖然都有相熟嘅監製,奈何公司太多女演員,呢啲要天時地利人和,可能個劇想搵你做女主角,但又唔啱自己,夾硬嚟都唔好,順緣啦。」
問到單身已久的她可想事業愛情兩得意,她自爆:「其實都有兩、三個圈外人追,大部份都係做生意,有食過飯,有兩個人都表白過,但問題喺我度,因為我好煩,要有感覺之外,我好似有過度活躍症咁,要不停做嘢先安樂。」又笑言媽咪比自己更緊張,大有機會捉她去相睇,她說:「阿爸、阿媽擔心我30歲都冇男友,怕我老時冇依靠,其實我咁恨攞獎,係因為想用個獎塞住佢哋把口。」
談及不少網民戥她失落無綫「飛躍進步女藝員」獎而不值,她突然爆喊,但非為冇獎而傷心,而是開心到流淚,她說:「早幾年我遇到好多挫折,但身邊人個個都好錫、好幫我,所以我會繼續努力。」
場地提供:No.5 Studio HK