黃子桐喱士內衣+制服誘惑 楊潮凱書枱「正法」勁大膽
2025年02月05日 13:22
東網電視
更多新聞短片

由黃庭鋒、湯洛雯、傅嘉莉及張寶兒主演的無綫新劇《富貴千團》最近成網民熱話,皆因劇情大膽,突破以往的8點半劇集框框,其中網民討論到劇中扮演女教師的黃子桐(Rachel),穿上黑色喱士內衣配透視恤衫襯黑框眼鏡,大玩制服誘惑,再加咬唇及瞇眼的「迷暈二式」招數,引發「宅男」無限聯想,不過令人譁然是,當中有場半裸楊潮凱在書枱「正法」Rachel的意識大膽「動作戲」,兩人埋身肉搏時,睇得令人面紅,而同場的男、女臨時演員亦有互打打Pat Pat的場口。
Rachel接受訪問時,坦言埋位前有點緊張,幸獲劇組貼心安排浴袍及枕頭,令她拍攝時可以安心又放心:「我記得有啲性感啲嘅造型,劇組會安排浴袍畀我埋位前披住,而拍攝一啲親密戲份時,佢哋仲預備咗枕頭畀我同潮凱隔住,令我哋拍得自然啲。(拍同潮凱嗰場『動作戲』係咪好尷尬?)都幾尷尬,因為好多人圍住睇我哋做嗰個動作,我都要克服心理關心,同自己講係戲劇,但係啲網民就喺討論區話呢個動作叫『推車』,搞到我都唔好意思再睇啲留言。」
至於其「迷暈二式」,她表示有用心研究及練習過,更向性感女神取經:「我真係有參考過邱淑貞啲演繹方法,我覺得個表達上要浮誇少少,有諗點樣可以做到意識大膽,因為我嘴唇較厚,覺得不妨試吓用嘴唇表達情感,最後構思到咬唇同電眼,拍之前都練咗成10幾分鐘,試到最好先去演繹。」