劉溫馨與男友拍節目有拗撬 龐景峰盼兩年內拉埋天窗
2025年02月05日 18:30
東網電視
更多新聞短片

藝人劉溫馨與男友龐景峰、方泳琳及男友陳張敏等人今日(5日)出席ViuTV全新真人秀節目《大力情人》記者會,眾人分享了拍攝過程中的趣事與挑戰,並透過現場小遊戲展示他們情侶之間的默契。
劉溫馨和龐景峰表示為節目拍攝了兩個多月,當中遇到好多挑戰,自然也會出現一些拗撬,但嗌交都只是溝通的其中一個方法,最重要是如何和解:「不過都係嬲幾秒,好快就會過。」又言私底下亦不多爭執,好多時龐景峰都會主動先道歉。他們又表示已經拍拖了一段長時間,有好多工作上的合作想一起嘗試,例如一起拍電影、電視劇或情侶檔接廣告。問到他們可想在劇中繼續談情?劉溫馨即表示想試其他不同的角色,龐景峰則笑言:「佢話想試吓演殺咗我嘅角色。」透露二人已經有劇本正在商討中,是以動作為主。
提到何時拉埋天窗,龐景峰就表示已經有諗法,但暫時不想透露:「不過我哋呢一刻都工作為主先,想先達成某一個目標先再拉天窗,但都希望盡快,希望呢一、兩年嘅事。」而溫馨就表示以前會想30歲前可以結婚,但現在已經過了這個歲數,所以就不再限制自己,順其自然。而除了演員,同是教師的龐景峰亦透露溫馨與小朋友相處有一手:「我睇到佢幫手照顧30個小朋友之後,我覺得我嘅未來都Ok,因為我完全冇教過佢,但佢面對小朋友處理手法都幾好。」