歌手周國賢（Endy）將迎來更大發展，有傳他跳槽新公司，可繼續發展其歌唱事業外，最吸引之處是染指影壇，分分鐘可跟天王、天后級藝人合作，而其動向或於下半年公布。據悉其密斟的公司正是英皇娛樂，未來他有機會夥拍容祖兒、張敬軒及李幸倪等創作音樂作品外，亦有可能和影后衛詩雅結片緣。

另外，他日前出席義工活動，偕一眾小學生及歌迷義工合力完成巨型壁畫，他表示：「呢個項目早喺幾個月前已經開始籌備，我仲專程去咗間小學度作實地考察，睇環境同量度尺寸，再揀咗學校填色比賽嘅中一年級學生冠軍作品做呢幅壁畫。」

Endy又謂雖然看似由他陪小朋友畫畫，但他覺得是向小學生學習：「見到小朋友全部都好有自己個性，佢哋教番我哋呢啲大人要勇敢大膽啲去創作，唔好停步，要繼續勇敢去做。呢次活動可能係我完成咗演唱會後，覺得最開心嘅一日。」