东网电视
更多新闻短片
巴黎时装周成内地女星“混战”斗靓盛会，大批红人索女都会去朝圣，就好似早前上机时已经化行妆出发嘅影后周冬雨咁，佢去到时装周未扮靓现身品牌睇骚，反而先去当地名店行街扫货，仲Shopping买到上热搜。原来系有网友喺巴黎行街时，偶遇周冬雨同内地女星宋茜行街，两位大美人更似乎都系撞到，而非约埋买嘢。
周冬雨早两日化行妆出发时装周，啱啱先到达当地。
有人喺名店大嗌“宋茜”（紫色外套）。
原来系周冬雨（右二）撞见宋茜，即刻相认。
有网友就还原当时听到有人大嗌“宋茜”，只见宋茜转身回应：“吓一跳！谁叫我？”跟住就见到周冬雨笑晒口咁行近，并言：“我看见你从那边走过来！”二人即时走近对方继续扫货。双方粉丝本身仲担心偶像要倒时差，留言笑二人“两眼一睁就是买买买”，非常搞笑。
宋茜贵为女神，梗系要扮靓靓。
粉丝笑佢一瞓醒就即刻去Shopping。
