陳凱琳開節目被農夫爆笑騎劫　認輸讓出主持地位

藝人陳凱琳（Grace）的網上飲食節目《歡迎光琳》，請來農夫擔任嘉賓，分享消夜鹹牛肉炒蛋即食麵，但節目卻被兩人騎劫，反客為主，她在社交網笑說：「今集不得了，完全發揮唔到我嘅主持技巧，因為今次請嚟呢兩位嘉賓，簡直係完美host咗呢一集嘅消夜系列，咁又唔怪得嘅，佢哋兩位出咗名好玩得、好talk得，當然⋯仲要超級rap得啦。」

去到炮製消夜鹹牛肉炒蛋即食麵，陸永笑指連煮即食麵也不夠即食，所以用杯麵，他笑說：「又唔好講到咁廢，你講吓秘訣，點解鹹牛肉都仲要落鹽和雞粉。」C君笑說：「冇秘訣呀，因為消夜嘛，同埋通常都係飲醉酒先食，所以健康啲就唔好食消夜喇。」他之後正經分享炒蛋心得，指炒蛋一成形就向鑊邊內推，炒蛋就會滑。去到試食時Grace大讚好掂：「如果再耐啲麵就腍，依家就perfect。」但反應太快的陸永以為她嫌麵太腍，扮嬲擲筷子，但隨即又收回笑說：「哦，依家perfect，嬲錯咗添。」相當搞笑。