东网电视
更多新闻短片
上个月年满18岁嘅花咲心菜，个样生得天真可爱，形象相当讨好！（互联网）
俗语有话“十八无丑妇”，意思指年轻女仔一身青春气息，皮光肉滑，就算素颜示人都有其吸引力，更何况系来自日本写真界嘅女优，就好似今日为大家介绍嘅花咲心菜，样子甜美无邪气，难怪被誉为超新星！
白滑好波
过去几年，日本写真界有好几位年仅18岁嘅优质新人登场，好似菊地姬奈、川道沙罗，而最新一位就系出身于神奈川县嘅花咲心菜。
上个月啱啱过咗18岁生日嘅心菜妹妹，拥有一张天真可爱嘅童颜，笑容亲切无邪气，简直系人见人爱、车见车载！另外，比起其他同龄写真妹，呢位小甜心嘅胴体亦好吸引，除咗有一身极具透明感嘅嫩白肌肤，心口仲有一对胀卜卜嘅E奶，只要件泳衣紧少少已足以唧出一条深长事业线，可以话系够晒吸睛！
心菜除咗有一身白滑美肌，心口对E奶都好吸睛。（互联网）
以阿妹嘅质素，被称为写真界超新星，绝对有理由。（互联网）
只好扮傻
花咲心菜好细个就喺原宿街头被艺能事务所嘅星探发现，起初个心十五十六，自觉怕丑做唔到艺人，但喺妈妈鼓励下，决定踏出第一步。当阿妹试过以艺能偶像身份上台表演，见到台下有咁多观众支持，终于立定志向要喺艺能界闯一番事业！
家阵心菜隶属于偶像团体Bety，当中有唔少就读于早稻田大学、应庆大学等顶级学府嘅“怪物级”成员，学识同处事能力都比阿妹强得多，所以身为全队最年轻嘅一员，阿妹只好担当一个扮傻扮天真嘅角色。另外，心菜眼见自己已经18岁，决定加入写真女优行列，对写真迷嚟讲，当然系好消息啦！
呢个角度睇真系好醒神！（互联网）
虽然心菜对波唔算好大，依然能唧出诱人事业线。（互联网）
实行双线发展嘅花咲心菜，一方面拍写真，一方面以偶像团体成员身份四围演出，生活不知几咁充实，登入其社交网，就会知道佢嘅最新动向。
Profile
年龄：18岁
身高：5呎2吋
三围：33E-24-34
