东网电视
更多新闻短片
艺人林峯即将再次踏上红馆舞台，举行一连三场个人演唱会，佢忙搞开骚之际，并太太张馨月就继续开直播，不过近日佢开Live时，咁啱家中保母Last day离开，同佢打声招呼作最后道别时，张馨月对住镜头要求对方畀佢妈咪检查行李箱先离开，更叫对方抹埋个厕所先走人，即被网友轰佢唔尊重人，并将“#林峯老婆换保母要查行李箱惹争议#”推上热搜。
张馨月成日同林峯晒亲子乐，建立贤妻良母形象。
于张馨月直播中，佢边化妆边同大家倾偈，中段听到帮佢凑开囡囡嘅保母离职，当日系佢Last Day，所以佢就同张馨月道别，当下张馨月就要求对方拎行李畀张妈妈Check，保母就话已经被检查过一次，不过张馨月依然要佢将行李畀张妈妈检查，指系正常流程，又表示佢开完Live就会出粮畀对方，跟住就叫对方顺手抹埋个厕所先走人，一连串要求被摄于镜头下。
有网友睇完即大怒，指虽然可以理解佢有财产安全意识，所以想检查行李，但对方已表明Call咗车准备走，佢都仲叫人家转头抹厕所，轰其要求唔体面亦唔尊重人，令人无法理解。张馨月即急急解释佢系叫另外一个阿姨收拾，而阿姨们都冇人露面，无法批判。
最近凑开佢囡囡嘅保母离职。
张馨月先后两次检查对方行李，又疑似叫人抹埋厕所先走。
佢就话自己系叫另一个保母抹。
