东网电视
更多新闻短片
声梦歌手文凯婷（Aeren）相隔两年推出新歌《暧昧博弈论》，相比同期声梦歌手，Aeren的出歌量少，更被外界称为“声梦下弦”，不过她自认际遇不错，唱歌以外，有参与剧集、综艺及主持工作，但面对比较，她直言负面情绪一定有，并望能撕掉“声梦下弦”标签：“我理解点解会咁讲，但作为艺人想自己独当一面，有个新代表作畀大家记得，而唔系痴住3年前嘅比赛名。”她称经自我反省，思考后决定要主动出击：“我有向监制敲门，我嚟紧嘅旅游节目都系敲门敲番嚟，我向监制自我介绍，呢个系必需，唔好怕面懵。（担唔担心畀人觉得你太进击？）曾经有咁谂，但睇你点表达，我只系想话畀佢哋知公司有我呢个人，希望佢哋记得我，而唔系一定要攞到啲乜嘢。”
文凯婷望撕掉“声梦下弦”标签。
她自认工作量偏低。
反省后主动向监制自荐。
为闯出名堂，Aeren不止勇于向幕后自荐，还自绝退路，她之前有做兼职补习及全职OL以帮补生计，但自去年12月已辞职，她表示：“我返咗两年文职，有稳定收入又有班好同事，呢两年间我不停问自己，嚟紧10几廿年系咪想过OL生活，我打从心底唔想，每日就系返工放工，完全冇时间接触我想做嘅嘢，所以我决定辞职，畀自己再搏一次。（经济上点解决？）呢两年都储咗啲钱，慢慢搣，够生活，目标系可以靠做艺人养活自己同家人。（会唔会定个限期畀自己？）唔会，唔好畀自己太多后路，太多计划反而令自己更乱，不如做好眼前工作。”虽然收入不多，但她入行至今一直有给家用父母，这亦被她视为底线：“我唔想因为我想搏多次而唔畀家用，呢个亦系我同妈咪嘅协议，呢个系一份责任心，虽然金额唔算多，但对我嚟讲都入肉同表达到我嘅诚意。”
现时她已辞去副业，全力幕前发展。
不留后路。
而新歌《暧昧博弈论》讲的正是Aeren的爱情观，她认为一段关系最好的状态是大家互相吸引之馀，但同时有随时离开的底气。她指女生对爱情一定不能“All In”，但自认入行前曾经很“恋爱脑”，她说：“我同当时嘅男友已经进入冷战期，对方已经冇覆我嘅短讯，但我仍然每日发短讯畀佢，有次约出嚟，佢嘅反应好冷淡，但我仍然会挨住佢，好似冇事发生咁，直到最后我问佢你仲想唔想同我一齐，佢冇出声，大家沉默地对峙咗20分钟，个刻我先醒觉要放低。”她称回望过去，其实两人关系早已完结，只是自己仍浸醉在自己的世界中，但分手后一段时间，她意志消沉，有种“天跌落嚟”的感觉，直到遇上《声梦传奇》才令她重新振作。
Aeren现时跟任职歌唱导师的男友湛耀东拍拖，媒人正是绯闻男友孙汉霖（火鸡），虽然她与男友相差17年，被指父女恋，但她不以为然：“沟通上唔觉差太远，大家思想上好似，年龄问题冇摆喺心上。（父母有冇意见？）冇，佢哋见过我哋相处就明点解，佢哋都好支持，而且妈咪一直跟得我好贴，佢一直都知道有呢个人存在，所以对于我拍拖系欣然接受。”她称最欣赏男友待人接物方面，因她自认朋友不多，从对方身上学懂与人相处之道。
近日她推出新歌大谈爱情观。
入行前“恋爱脑”。
场地：Library Restaurant and Bar
