东网电视
更多新闻短片
慧妍雅集昨晚 （29日）举行43周年慈善晚会，历届近百港姐出席，位位性感上阵，个个“胸群而出”斗性感，其中黄嘉雯，梁凯晴及宋宛颖齐穿上低胸装各展美态。黄嘉雯就不认自己衣着“胸狠”，表示性感度未及出席台庆当晚，她表示以往多着修身设计的晚装，但今次着公主Feel的裙，不过尝试转Style却有要承受风险，她说：“因为条裙好重，我要不停咁拉住，怕会跌落嚟，条腰嘅设计系好贴身，但唔系好安全，所以唔好踩我条裙尾，啲人要远离我，（有冇做安全措施？）系黐唔实嘅，我准备不足，衫身有少少松，里面有戴NuBra嘅，一阵要行上台，我系有少少担心。”
梁凯晴就觉得偶然性感也不失为过，她说拣白色吊带裙可一举两得：“衬番个Backdrop ，想仙气啲，慧妍雅集畀人感觉系好优雅，同埋想减吓肥，呢几日食少咗嘢，只食餸，唔食饭，平时我系饭桶嚟嘅，希望有瘦到啦。”宋宛颖骚胸之馀，腰部更有透视效果，她直言为展示最佳状态已节食数日：“为咗呢套衫冇食饭几日，因为太贴身同埋露得多少少，（瘦咗好多喎？）真系呀？瘦咗2Kg，本身都唔系肥，但想再瘦啲，我觉得自己未系最瘦，依家想再瘦多几Kg，想上镜同轮廓再靓啲。（上围都缩水？）唔会嘅，我减完再话你知，依家未使换过啲衫。”
陈茵媺为支持朱凯婷当会长及慧妍雅集而来，而老公陈豪要开工未能相陪，对于有网民指因她成功冻龄，反而令年长她10岁的陈豪天显老而被嘲是“父女恋”，她惊讶谓：“系咩？佢仲好靓仔呀，我冇觉得佢老咗，每个人一定会经历时间，佢自己有做Facial，不过佢近排要拍主景剧先太忙，但我觉得佢依然保持好型、好靓仔样喎，佢喺我眼中系完美。（陈豪可介意被指父女恋？）我觉得冇呢样嘢，（陈豪需进补？）佢唔需要，相信佢拍完剧会精神啲，咁佢真系好忙，呢年去不同地方拍嘢系冇停过。”更指陈豪忙到连其4月1日生日也无暇庆祝，惟有另夹时间，但不会跟4月16日生日的老公一次过庆祝，因两夫妇庆生要分开搞，觉得工作要紧，至于她最想收到的生日礼物是去旅行过二人世界，其实只要两个人独单出街食饭已好开心，又说会和老公齐做运动保青春，问到是否做“两人运动”？她笑住话：“做Gym啰，（有冇做夜晚嘅运动？）呢啲唔识答。”
再讲到她被负面新闻多多的网红集邮，令网民担心其安全，她表示：“嗰日带小朋友学嘢，我都唔想影响到小朋友，想保护佢哋唔想佢哋出镜，虽然作为公众人物被要求影相，我都会尽量满足佢哋，唔会理佢咩背景，不过影完相有记者朋友叫我下次小心啲。”
同场的翁嘉穗偕从商老公邬友正拍住拖现身，之前患肺炎而暴瘦的邬友正回复状态，他说肺炎是疫情时的旧事，现已康复，验身报告指健康情况理想，不过不爱食补品健身，又指爱在网上分享生活，全因是为生意及觉得好玩，只是两夫妇各有各玩，翁嘉穗偏爱分享扮靓、讲时尚及出席活动。问到早前他的Po激嬲老婆，他直认：“好大约束，我冇所谓，又唔系犯法又唔系害人，但佢好大所谓，（太太有冇闹？）有呀，嘈得好犀利。”翁嘉穗亦认有表达不满，而邬友正却说会继续想讲就讲，只是不再涉及太太。虽然做访问大耍花枪，但于拍卖环节中，翁家穗以4万5千元投得赵增熹监制的唱片，原来邬友正很喜欢唱歌，所以刻意投下送给丈夫，非常Sweet。
JW（王灏儿）以表演嘉宾身份出席晚宴，身穿大露背短裙的她明显瘦了一个码，她归功多做运动有关：“同妈咪同爹哋啲退休朋友，仲有自己朋友好勤力咁打网球同打羽毛球，又同陈滢一齐去室内单车，我哋两个一齐瘦。”除忙做运动外，她亦努力筹备推出每首6位数自资的新歌，她谓：“其实两年前筹备梗，但一路出唔到歌，今年就想自己储钱去做，（无綫唱片公司唔帮你出歌？）之后睇吓点啦，做梗全新歌时，我发觉好锺意，做得好开心，真系好锺意唱歌，起码想做5至6首歌，（系咪因为等唔到公司，所以索性自己出歌？）我唔知呀，我觉得依家最紧要系想自己做，（同无綫仲有几耐约？）唔知呀，亦唔知几时完约，不过我都做得开心，喺呢间公司一路都学咗好多嘢，完唔完约都觉得唔紧要，（唔再续约？）我哋关系一路喺度，我对所有嘢都好感恩。（觉得公司将资源投放喺《声梦》度？）又唔会，都戥《中年好声音》同《声梦》歌手多机会开心，（拍够剧？）唔会够，但觉得系时间要唱歌啦。”
讲到投资5至6首歌要数十万，她现时又要供楼，JW直言为歌为供楼做得辛苦，新居是去年年头开始投资，但一路有储钱及做生意，问生意是否赚大钱？她又谓：“又唔系，用积蓄同密密做骚啰，但未乾塘，我都识理财嘅。”问到经济上可有人支援？她爽快答没有，但父亲有教她投资，只是没有金钱上支援，所以凡事要靠自己，但很有成功感，亦毋须他人帮忙。
自言不富贵的她，有指连买两对胶鞋都花费过千元，她就谓：“我真系好锺意设计师村上隆嘅作品，如果我有钱就买起佢成间公司啦，我都系买佢对拖鞋啫，同埋系限量嘅，我见到村上隆都唔敢行过去同佢打招呼，（唔觉得奢侈咗？）都好唔锺意先买，勤力做嘢都要买啲嘢令自己开心先得。”
近百港姐胸群而出。
庄思明（左）出席，杨明都有嚟！
陈茵媺又冻龄咗！
JW晒腿。
翁嘉穗同老公现身。
陈茵媺再现汤碗胸。
黄嘉雯（中）、梁凯晴（左）及宋宛颖各展美态。
个个都靓！
陈茵媺值得一睇再睇！
赵雅芝雍容华贵。
曹敏莉与刘倩婷盛装现身。
