东网电视
更多新闻短片
日前台湾歌手杨丞琳（Rainie）接受TVB娱乐新闻台节目《StarTalk》专访，大谈相隔七年再度来港举行个人演唱会感受，Rainie表示个唱由自己担任总策划，放了很多心思在其中，虽然过了五年，但整个舞台仍然感觉新颖，设计复杂似魔术方块：“有跳舞、有演戏元素，我会唱情歌、Rock歌，呈现好多面向嘅自己，大家会睇到唔一样嘅杨丞琳。所以如果今次巡回演唱会无法带到香港，自己会觉得好可惜，因为知道好多人已经冇办法再等，飞咗去其他地方睇演唱会，需要花好多钱买机票，所以今次可以喺香港开演唱会自己超级开心！”
Rainie个唱由自己担任总策划。
为了巡回演唱会，Rainie苦练马甲线，她自认是一个有要求的人：“整个巡回演唱会自己食好少，因为开场嗰套衫要好Fit先得，所以平时做咗好多变态嘅运动，食嘢亦都变态地少，一日一餐，大概一个拳头嘅蛋白质，两个拳头嘅素菜，淀粉质大概半个馒头。不过习惯咗22个钟头唔食嘢都唔肚饿。不过好挂住香港嘅甜品、濑尿虾同桥底辣蟹，呢啲全部冇得食！要同自己讲专心做个演唱会，着靓衫，所以要牺牲！”她称除了身形外，另一样重要事情是小心保护把声：“因为好担心会感冒，所以平时都要戴口罩，但系做运动可以增强免疫力。”
Rainie会准备广东歌。
Rainie自言向来有个习惯，就是每次在港演出，无论是大型还是小型表演，她都会准备广东歌，今次亦不例外：“因为广东话系自己生命一部份，由细开始爸爸教自己广东话，爸爸妈妈都系广东人，虽然唔系讲得太好，但系觉得广东话同自己好近。不过依家觉得自己退步咗，平时冇乜机会练习，就算同妈咪都少讲，所以要学唱广东歌令自己广东话进步。”她又预告一定会唱由林家谦作曲的广东歌《我不认识你》：“呢首歌喺香港冇唱过，因为上次香港演唱会唱过佢作曲嘅《矛盾一生》觉得好好听，所以自己上网私讯佢搵佢帮手作曲，而广东版系佢推荐我唱！除此之外，我今次特登问咗啲朋友，拣咗近十年香港最红，最受欢迎嘅歌，然后再搵一啲适合自己声音嘅广东歌嚟唱。”
Rainie会准备广东歌。
Rainie小心保护把声。
为了巡回演唱会Rainie苦练马甲线。
Rainie香港开唱感到超级开心！
杨丞琳大谈相隔七年再度来港举行个人演唱会感受。
