东网电视
更多新闻短片
“猫奴”谭嘉仪养有两只小猫，弟弟“云呢拿”尤其黐人，每日要她陪睡之馀，更有分离焦虑症，曾因主人外游一周而情绪不稳以致屙血尿，令嘉仪对旅行大有阴影。
谭嘉仪系“猫奴”！
艺人谭嘉仪家中养有两只英短猫咪，分别是4岁的猫女“雪雪”以及11个月大的猫仔“云呢拿”，虽然现时“云呢拿”尚年幼，但体型已超越家姐。谈及饲养“云呢拿”的缘由，嘉仪透露最初是想为“雪雪”找个玩伴：“咁啱我有朋友只猫生咗几只小猫，其中一只就系云呢拿，佢系咁多只小猫入面最活泼，周围撩人玩，所以最后我拣咗佢。”可惜事与愿违，两只爱猫未能成为糖黐豆，反而终日水沟油：“两只猫最初系冇见面，我将云呢拿隔离，困住佢喺个笼入面养，等雪雪适应佢嘅存在。不过到依家，雪雪都系唔锺意云呢拿，两个各有各玩，久唔久见到面就会打交，好在未试过有血案发生。佢哋两个食零食嘅时候最和谐，会头贴头咁食，只有零食可以拉近佢哋嘅距离，哈哈！”她又指两猫性格南辕北辙，“雪雪”文静，“云呢拿”就活泼好动：“云呢拿由细到大都唔惊出街，圣诞节我带佢去过西九睇圣诞树，不过我全程抱住佢，希望将来可以好似放狗咁放猫散步。”
养有猫女“雪雪”及猫仔“云呢拿”。
她大爆两只猫猫水沟油。
好在未试过有血案发生！
变身糖黐豆 每晚陪睡
讲到跟“云呢拿”的难忘事，嘉仪称爱猫非常黐她，每晚都要睡在一起，有次嘉仪到外地旅行一周，回港后发现“云呢拿”屙血尿，即时带它看医生：“兽医帮佢做咗身体检查同化验，佢一切正常，唯一解释系情绪影响，兽医问我最近屋企有咩变化，我话我之前去咗旅行，兽医话一定系呢个原因，佢太挂住我，突然冇咗主人，令佢好紧张，搞到身体出毛病。后来云呢拿食咗少少补充剂，跟住就正常番。依家我去旅行都会有啲却步，因为惊佢嘅分离焦虑症发作。”
猫仔云呢拿最黐身。
要晚晚一齐瞓。
她大爆有次去外地旅行一周，回港后发现猫猫有异样。
原来猫猫太挂住主人，有分离焦虑症。
现时谭嘉仪对去旅行却步。
场地：PAW by PAW
